Oggi vi rugnu a rigetta i nu cundimentu pa pasta chi si faci nta 5 minuti , e senza furnellu! Ricorda mmostru a stroncatura ma comu o solitu cu ncacchi cangiamentu…pirchì è stati e candu chianamu ru mari ima a pinzari mi ndi facimu a doccia…
Pasta cu tunnu e ca muddhica.
Difficoltà: sulu pi mali faticanti.
Tempu: chiù mi si rici chi mi si faci.
Porzioni: i soliti 4 cumpari …a dieta (250-270 gr di pasta circa)
Ingredienti: Na scatoletta i tunnu, ‘n pugnu i muddhica sicca (pan grattato), dui cucchiari r’ogghiu, Sali, pipi bruscenti (peperoncino), bascilicò (basilico), na decina i livi virdi (10 olive verdi).
All’opira:
Mintiti l’acqua pa pasta, calatila e sculatila “al denti”. Pigghiati u tunnu, sculatulu i ll’ogghiu e u mintiti n’ta nu piattu; cu na furchetta u scacciati mu faciti a pezzaceddhi, ggiungitici l’ogghiu bbonu, u pipi bruscenti, i livi tagghiati fini e stu cundimentu u ittati supra a pasta, girandula bbona. Poi pigghiati u pugnu i muddhica e ncia ittati i supra , sempri girandu e pi finiri u bascilicò pi profumari.A pasta è pronta!
Vu rissi chi nci vuliva chù mi si rici chi mi si faci? BBonappitittu!
Zia Fujiko
