“Sciuri sciuri, sciuri di tuttu l’annu, l’amuri chi mi rasti ti lu tornu!…”…. ah, bei tempi chiddhi!
Sciuri i tuttu l’annu si, ma chiddhi ri buchè pa festa ra mamma… no chiddhi commustibbuli…!Mi raccumandu i sciuri i cucuzza e cucuzzeddha nci sù sulu ora! Mangiati cà staggiuni!
E’ siccomu ora è a staggiuni, vi rugnu na rigetta nova ma ‘ntica…i SCIURI MBULLICATI.
A tutti ndi piaciunu i frittelli i sciuri… ma sempri non vannu bbeni… cu stu caddhu pi friiri nci voli u portu d’armi ( ormai ‘u sapiti chi sugnu ndo movimentu per la liberazioni della donna dal frittu estivu…). E cusì pruaia mi zziccu o furnu e vinni fora na cosa fina veramenti, e bbona, e senza rassi fritti, e cu pochi calurii… e poi faci bbeni a tutti : rossi, sicchi, singuli, ccoppiati, scoppiati, randi e figghioli : inzomma na MERICINA!
Difficoltà: nuddha, a parti a resistenza ri mariti frittofili
Tempo: 10 minuti+15 i furnu a 250°
Porzioni: na teglia… faciti vui…
Ingredienti: sciuri i cucuzza o cucuzzeddha (non vi mentu cantu…pirchì a rigetta è a occhiu…ricimu pi na teglia ra pizza puru 20-30…o se nda viti pochi a faciti nta na teglia piccula…), muddhica , megghiu se è frisca , sali, muzzarella o proula, agghiu e bascilicò, ogghiu EVO (non è a marca! è chi mancrisciu mi scrivu sempri extravergini d’oliva).
All’opira:
Pigghiati a teglia e a ungiti r’ogghiu. Poi nci ittati na para i pugni i muddhica cunzata cu u bascilicò tagghiatu finu, u sali e l’agghiu. Mintiti nu solu i sciuri interi e muzzarella a pezzi picculi. Poi ranou nu solu i muddhica cunzata e all’urtimu ancora l’ogghiu.
Se aviti assai sciuri putiti fari du’ sola, ma finiti sempri ca muddhica e cu l’ogghiu.
Nfurnati pi nquartu r’ura a 250°.
I vostri sciuri mbullicati sù pronti!
Chista è a versioni cu prosciuttu e muzzarella e doppiu solu i sciuri.
‘a facci u cu’ non boli!
Bonappitittu
Malariggetta in italietto ( dialetto italiano)
Fiori di zucca gratinati
Ingredienti: 15 fiori di zucca o zucchina, pan grattato (meglio se fatto col pane di pochi giorni, non troppo secco…), sale, olio EVO, basilico, aglio, una mozzarella o provola.
Esecuzione:
Ungete una teglia con due cucchiai di olio, spargete qualche manciata di pan grattato ( a cui avete precedentemente aggiunto il sale, l’aglio e il basilico tritati finemente).
Adagiate i fiori di zucca sul pan grattato e completate con la mozzarella tagliata a dadini.
Spargete ancora qualche manciat
a di pan grattato e infine versate ancora dell’olio.
Cuocete in forno a 250° .