MalaPanza: Pasta mulingiana e pumaroru sicchi.

 

Bonasira e bentruvati a tutti… u caddhu si faci a sentiri e puru a vostra zia ra panza si faci pigghiari ru “rassimi stari”… ita aviri a pacenzia quindi se stai “niscendu” sulu in edizioni straordinaria!

Oggi vi ‘nzignu na pasta sapurita  cu nu cundimentu friddu chi putiti primarari avanzi tempu e sarbari nto frigurificu. A rigetta non è a mei…a liggia nta nu giurnali …e comu o solitu poi a fici a modu mei.

PASTA MULINGIANA E PUMARORU SICCA:

Ingredienti: Du mulingiani picculi (o una rossa), 3-4 filetti i pumaroru sicca, agghiu, menzu limuni, ogghiu , pipi, sali e rriniu, na bella rattata i pecurinu o autru furmaggiu a gustu vostru.

All’opira:

Prima i tuttu pigghiati i mulingiani, i lavatili, i tagghiati a metà, i pungiti cu na furchetta e i mintiti nto furnu a 200° pi 40 minuti, cumbugghiati cu luminiu, cusì…DSC06633

Candu sù cotti i faciti riffriddari , nci cacciati a scorcia e i frullati inziemi ‘e pumaroru sicchi, o zzucu i menzu limuni, a l’agghiu, o rriniu, o sali, o pipi e a 4 cucchiari r’ogghiu.

DSC06635

Frullati bbonu e diventa na crema.

DSC06636

Mintiti  a pasta e prima m’è cotta ru tuttu, pigghiati na para i cucchiarati ra sò acqua e a mbischiati cà crema.

Cunditi a pasta e rattatinci i supra  u furmaggiu a piaciri.

DSC06638

 

                                                                                        Bonappitittu!

                                                                                       Zia Fujico