ingredienti: na coscia o na supracoscia i tacchinu sdisossata (1kg circa); panirattatu (2 pugna); proula a fetti (150g circa); agghiu (1 spicchiu); putrusinu (a gustu vostru); pipi niru (1 pizzicu); sale fino (QB); olio EXVO (na uccia).
All’opira: stinditi nu fogghiu i cartaforno, ma va bbonu puru nu mmostru i pellicula trasparenti, i fogghiu d’alluminiu o puru nu sciurupannu. ll’argati u tacchinu e chianiatilu cu’ bbatticarni.
Se restunu bbozzi, cacciatili cu’ cuteddhu e mintili i latu pu’ ripienu. Pi ‘nzapuriri a carni ru tacchinu, stricatila cu ‘mpocu i sali e i pipi niru.
Pripapamu a parti u ripienu:
Nta na suppera, mbischiati 2 pugna i muddhica e 4 cucchiari i furmaggiu rattatu (grana). Nu spicchiu r’agghiu tagghiatu finu e ‘mpocu i putrusinu a gustu vostru. Sali QB e na uccia r’ogghiu. ‘mbischiati a fini, i mmostra i tacchinu tagghiatu a pezzi picculi.
Stinditi ‘u ripienu supra o tacchinu paru paru e farcitilu ch’i ffetti i proula.
Ora ‘ncumincia n’operazioni delicata: ‘u ‘ncuddhuriamentu.
Iutanduvi cu chiddhu chi mintistu sutta o tacchinu (pellicola/cartaforno/sciurupannu/lluminiu) pigghiati i ‘mpizzu e ‘ncuminciati a ‘ncuddhuriari (vedi foto).
..dopo cu ‘ncuddhuriastu a dovere, avissi a viniri na cosa com’a chista
..eccu, ora avit’a essiri sicuri nonmmi si scuddhuria nto’ furnum quindi l’avit’a ttaccari cu spavu, o mu mmagghiati nta na riti. Viriti, a robba crura ovviamanti avi cchiù acqua i chiddha cotta, eppirciò succeri chi candu ‘nfurnati cosi “chini”, l’acqua si sciuca e a carni sa’rritira facendu nesciri ‘u ripienu, o, nta’ stu casu specificu, scuddhuriandu ‘u tacchinu.
..eccu, ora ch’è prontu, non nda’rresta mu ’nfurnamu.
cottura: caddiati ‘u furnu a 180 °C e rassatilu cuciri ammenu 20 minuti. Ovviamenti ‘cchiù è rossu ‘u rollè ‘cchiù nci voli mi si faci. Ma tranquilli, nc’è nu truccu pi sapiri quand’è fattu. Ogni tantu iapriti ‘u furnu e pirciati ‘u rollè ca’bbroccia. Quandu non nesci ‘cchiù sangu.. è fattu!
..eccu ‘u rrinescitu, bbonappitittu!
M.C.A.
