MalaPanza: Panineddhi moddhi

 

Salutamu a tutti. Oggi sulu a rigetta “ a nura e crura”. Chiddhu chi si prumetti sava mmantiniri e ieu prumittia sta rigetta a n’amica e quindi av’a cca.

PANINEDDHI MODDHI CU LATTI

Ingredienti: 250 gr i farina 00, 250gr i farina manitoba, 25 gr i levitu i birra, 300ml i latti tepidu, du cucchiarini i zucchuru, na cucchiarina i sali, tri cucchiari r’ogghiu.

All’opira: Miscelamu i du farini.  A parti sciugghimu u levitu e u zucchuru nto latti tepidu.

DSC08458 DSC08461

Mintimu i farini nta na suppera e ncuminciamu chianu chianu a ggiungiri u latti, laurandu cu na furchetta. Lauramu nu pocu e poi ggiungimu l’ogghiu.

DSC08462 DSC08463

Candu poi non riniscimu chiu a laurari ca furchetta, ggiungimu u sali e llurdamundi i mani: mpastamu finu a chi non ddiventa na beddha palla elastica.

DSC08465 DSC08466

A cumbugghiamu cu cellophanni e a rassamu llevitari pi na menzurata.

DSC08467 DSC08472

A viriti comu ddivintau? Ora imu a fari i panini…pigghiamu nu pocu i ‘mpastu e u facimu a palla, circandu mi facimu tutti i stessi. Ieu chi sugnu nu pocu i manicomiu, i pisu nta bilanza, cusì mi venunu tutti i stessi. Chisti i fici i 35gr ll’unu e cu menza dosi mindi vinnunu 12 pezzi.Na para i fici chi pezzi i ciucculata, comu a chiddhi chi vindunu ru Mulinu Russu.

DSC08470 DSC08471

Mintiti i panineddhi nta na teglia ca carta ru furnu e rassati llevitari pi nautra ura.Ora su pronti i nfurnari a 160° pi na vintina i minuti, a sicunda ru furnu.

DSC08473 DSC08478

Aviccà ampena spurnati: chistu è u intra….è moddhu moddhu….i vostri figghioli sa scialunu e puru i vostri randi! 

DSC08482 DSC08481

E cca ncè l’assortimentu: nci su chiddhi semplici, chiddhi ca ciucculata e chiddhi chi sesamini i supra e ncè puru nu cornicchiu, cusì pi pruari…

DSC08488

                                                                                                              U sintiti u sciauru???

                                                                                                                 zia Fujiko