MalaPanza: girelli i pancarrè.

 

Comu viva riciutu nda l’urtima rigetta, cuntunuamu u nostru menù natalizziu cu sicundu antipastu, u primu se vi fujiu u truati cca.

Stu sicundu antipastu è cchiù semplici i llautru e u putiti priparari puru nu misi prima e mu congelati pirchì rimani u stessu i chiddhu friscu. E’ l’ideali pi sti iurnati chini i cosi i fari. U ripienu comu sempri u putiti cangiari a piaciri vostru e a sicunda ru tipu i mangiari chi scigliti: se mangiati i pisci u putiti farciri cu salmoni e rugula o tunnu e pumaroru, se mangiati i carni va beni stu ripienu (salami o prosciuttu o speck e sottiletta).

 

GIRELLI I PANCARRE’

Ingredienti: nu paccu i pancarrè cu latti (chiddhu pi tramezzini ch’è senza scorcia, aiti prisenti?), furmaggiu chi sa spalma, 100gr i prosciuttu cottu o salami o chiddhu chi vi piaci, nu paccu i suttiletti.

 

Pigghiati du fetti i pancarrè e i mintiti vicini, chi lati longhi leggermenti unu supra l’autru. Quindi passatinci i supra cu mattarellu, cusì u pancarrè non sulu sa nchiatta ma i du pezzi si mbiddhunu e diventunu unu sulu.

 

DSC08733 DSC08736

Ora spalmatinci supra u furmaggiu cremosu, poi nci mintiti u prosciuttu o u salami, o tutti i dui comu fici ieu, e all’urtimu i sottiletti.

Tantu pi cangiari, ncuddhuriati u pani bellu bellu e u foderati cu nu fogghiu i cellofanni.

DSC08737 DSC08738

A stu puntu, se lliti usari in giornata, u mintiti almenu du uri nto frigurificu , cusì si pigghia a forma. Se inveci u faciti avanzi tempu e vi serbi dui, tri, 10 iorna ropu, u zziccati nto congelatori e u iornu chi vi serbi u cacciati e u rassati mi sa scongela chianu chianu….nci voli pocu, quindi mbasta na urata , dui , prima.

 

DSC08746

Tagghiatulu a fetti i menzu centimutru e sirbiti.

                                                                                            Bonappitittu

                                                                                            zia Fujiko