Malaversioni in dialettu scigghitanu di “Spendi spandi effendi” di Rino Gaetano
…e fatti na cantata!
A menza matina, chi ‘u suli già mina,
di cafè pavati ‘a to’ panza è già ‘sì china.
Si’ ‘ndaffaratu, peju ru ministeru,
ti cercunu tutti, ‘n paisi ‘nteru.
A’ fini ru misi, tu ‘rrivi cu ‘n ambu,
vo’ sempri ragiuni, fai ‘u seriu, ma quantu si’ strambu,
strambu e sceccu:chi è ‘a tabellina?
ma scarpi e vistitu su’ novi, sì, a’ matina.
Si’ carrìalandi, a’vogghia chi t’affendi
Si’ carrìalandi, a’vogghia chi t’affendi.
Pi tia fa’ la fila, la genti chi ha fretta,
ti criri ‘n grand’omu, assai ti rispetta:
ti cerca favuri p’ogni situazioni,
s’affida a’ to’ test’ ‘i sceccu, a la to’ prisunzioni.
All’occhi ‘i ‘sta genti, si’ ‘n omu perbeni,
tu ti senti realizzatu, pirchì ccà supra ti teni.
Pocu t’importa se non sai l’italianu
e chi arret’ e’ spaddhi ti riri ‘n paisi sanu.
Si’ carrìalandi, a’vogghia chi t’affendi
Si’ carrìalandi, a’vogghia chi t’affendi.
