Dal panaro all panza… CRUCITTI e TURRUNI ri POVIRI
I “CRUCITTI”
(a’ glicemia….Aaaahhh!!!)
INGREDIENTI: fica sicchi; cannella; caroffulu; zzuccuru; vinu cottu.
PRIPARAZIONI
Si pigghiunu quattru “chiappi i fica sicchi” belli larghi e si incunu cu cannella e caroffulu. Quindi, a ddui a ddui, si ‘mbiddhunu tra di loro a forma ‘i cruci e si sistemunu nta ‘n cugnettu (salaturi), a sola (tipu parmiggiana).I vari sola, vannu separati tra di loru ‘i ‘na sustanziusa sponziata ‘i zzuccuru.
Cuntinuari a oltranza, finu a inchìri ‘u cugnettu. Se vi resta spaziu, putiti usari puru i “scucciuliati”**
‘Na vota incutu ‘u cugnettu, biniriciti stu beni i Ddiu, ‘nnaffiandulu cu vinu cottu, finu a cumbigghiari tuttu. Praticamenti, i fica l’aiti a ‘nniari nto vinu cottu, ndi capiscimmu?
*Importanti: dopo aver ingerito e digerito quanto sopra (chi già è assai), rimandati l’analisi di almenu ‘na chindicina i jorna, duranti i quali si cunsigghia di assumiri virdura tipu brocculi o scalora (ma non i chiddha cu peri iancu, è dduci puru chiddha.)
** Scucciuliati: su’ ddhi fica picculi, tundi, a cilareddha, i chiddhi fatti fatti o mangiati ri ceddhi, ‘ssiccati ‘u stessu ma chi non su’ bboni pi’ schiocchi
“‘U TURRUNI RI POVIRI”
(‘na furtuna pu rentista)
INGREDIENTI: fica sicchi; nuci.
PRIPARAZIONI
Stringeduli forti a coppia una cunta a n’atra nto pugnu, chi renti o cu nu scaccianuci (‘chì forsi è cchiù comudu, se siti a’ tavula), scacciati ‘na pocu i nuci, nnittatili e mintitili ‘i latu. Quindi, tirati ‘na fica sicca ra schiocca e iapritila.
Inchiti ‘na menza fica cu ‘na nuci o più (a siccundu se quandu ‘i scacciastu rristaru sani o si macinare e si ficiru cisina); ‘mpuiatici ‘i supra l’atra menza e chiuritila tipu paninu.
Gustatili chianu chianu, finu a quantu vi ndi capunu.
Attinzioni: a chiddhi chi renti storti e chini i ‘ngagghi, si cunsigghia di iarmarsi di sticchinu (stuzzicarenti). A tutti (chi renti storti o menu): fuiti lavativi ‘i renti, pi limitari i ranni.
N.B.
* Sprafarari: operazioni colturali fatta supr’ a’ viti, chi consisti nto cacciari li fogghi chi cumbogghiunu i ‘rrappi ‘i racina, p’amuri mi nci ‘rriva cchiù luci ru suli pi la maturazioni.** ‘Mbroscari: cumbigghiari ‘a testa ru panaru cu tralci di viti ‘ntrizzati, cusì da furmari ‘n coperchiu ‘i pignata.
*** Schiocca: utensili usatu pi tiniri i fica sicchi. E’ ‘nu listellu di canna, piegatu a forma di “U”, cu l’estremi a punta, pi facilitari l’inserimentu ri fica sicchi. Tagghiunu!
***bis: nta l’urtimi tempi, causa mancanza di vecchi “mastri schioccari”, a postu ri schiocchi, si usunu i normali sticchini (chiddhi longhi) da cucina.
Pingback: MalaPanza()