… a modu mei pirchì è na pasta chi nasciu cusì… sula… tra nu sperimentu e nautru… pi circari i non friiri troppu a caliari…ddha, na ura, ravanti a pareddha. E poi puru pi cunzumari ddhi cantara i cucuzza chi me soggiru mi porta i ll’ortu ( figghioli se non su biologichi chisti!). Infattamente a congelu puru, ropu fatta, cusì ll’haiu sempri ndo bisognu!
Difficoltà: pavimentu pavimentu (terra terra)…
Tempu : a solita menz’ura turnandu ru mari
Porzioni: e chivuricu a ffari??? 4 e non di più.
Ingredienti: du’ cucuzzeddhi, tri cucchiari r’ogghiu, agghiu, rriniu, sali, pipi niru, bascilicò oppuru na bella cucchiarata i pistu, 270 gr i pinni.
Comu viriti vicinu all’ingredienti non truvati cchiù u nomu in talianu… ma non vi pistati a facci amici extracomunitari… pirchì a zia vi fici nu rrialu:
zia Fujiko ddivintau internescional
… a fini ra rigetta infattamente putiti truvari a stessa rigetta scritta in lingua italica, per i non parlanti (… u nostru idiota calubru)… cusì puru vui straneri i Torinu, Milanu, Firenzi e soprattuttu Abbiategrasso e provincia, putiti tutti capisciri e fari i malariggetti ra zia… Inzomma chiù malerigette pi tutti!
All’opira:
Mintiti l’acqua pa pasta …. chista è l’urtima vota chi vu ricu: i ora ampoi vi lliti ricurdari suli!
Lavati i cucuzzeddhi e tagghiatili a pezzaceddhi longhi , tipu ccendiri, cusì.
Pigghiati na pareddha, nci mintiti l’ogghiu e l’agghiu e cuminciati mu faciti suffriiri.
Ampena si cumincia a culuriari nci ittati a cucuzzeddha, mintiti sali, pipi e rriniu e girati bellu bellu. Iazati u focu e girati o spissu, pirchi a cucuzza sava ffarii bella brusciateddha, no gnagnarusa… a menza cottura mintitinciu bascilicò tagghiatu finu. Se inveci aiti u pistu nciù ggiungiti all’urtimu.
Candu a cucuzza è bella cotta cusì, stutati e ggiungiti u pistu ( pi cù nci piaci)…
Sculati a pasta, a ittatinta pareddha, giriati tuttu cosi e all’urtimu nciggiungiti na bella mangiata i parmiggianu.
A pasta ca cucuzza a modu mei è pronta! U sciauru parra sulu.!
Mangiati chianu chianu nommi va ‘ngruppa
Malarigetta in idiota italico:
Pasta con la zucchina a modo mio
Ingredienti per 4 persone: due zucchine, aglio, 3 cucchiai di olio EVO (extravergine di oliva), sale, pepe nero, origano, basilico o in alternativa un cucchiaio di pesto, 270gr di pasta corta.
Procedimento
Lavare bene le zucchine sotto l’acqua, spuntarle e tagliarle a listarelle, tipo fiammifero.
In una padella antiaderente fare soffriggere l’aglio con i tre cucchiai di olio, fino a che comincia a colorarsi, quindi unire le zucchine e aggiustare di sale e pepe, unire l’origano.
Cuocere a fiamma vivace girando spesso: la zucchina si deve abbrustolire ma non bruciare.
A metà cottura unire il basilico tagliuzzato; se si preferisce il pesto invece, unirlo a fuoco spento alla fine. Dopo15-20 minuti la zucchina è pronta.
Scolare bene la pasta e unirla alla zucchina trifolata in padella, mantecare bene unendo qualche cucchiaio di parmigiano grattugiato e servire.
In alternativa si può aggiungere qualche cucchiaio di panna, o mozzarella a dadini.
