Chi si rici amici cari…a ccantu gradi o friscu rruammu? 25… 30…? … E ancora u megghiu è arretu!
Oggi a zia , quasi senza sciatu, vi pinzau e vi priparau nu piattu i pasta i chiddhi chi stannu nto frigurificu amposta ru furnu…
a ‘NZALATA I PASTA A FOCU ZERU…o quasi…pirchì a pasta llima a bugghiri…ma sulu chiddha!
Difficoltà: nuddha…
Tempu: menz’ura…u tempu mi scinditi a pasta e ma cunzati.
Porzioni: 4 cristiani morti i caddhu
Ingredienti: 280 gr i pasta curta (pinni, farfalli, caserecci…), na scatula i tunnu, 100gr i scamorza o proula, du cucchiarati i patema … patè… i livi…( ora ieu non sacciu chi è sta cosa…chi v’è diri…su llivi frullati cu l’ogghiu…), nu pipi (russu , giallu, virdi, i chiddi chi sa rrustunu, sali e pipi.
All’opira:
Scaddati a pasta, scinditila al denti e passatila sutta a ll’acqua fridda. Sculatila bbona e mintitila nta na suppera cu nu cucchiaru r’ogghiu, nommi si mbiddha.
LLungati u patema i livi cu nautru cucchiaru r’ogghiu e ittatulu supra a past. Tagghiati u pipi a pezzi picculi picculi e a proula a quatretti e ittatancilli i supra. Pi urtimu mintiti u tunnu e girati tutti cosi.
Sarbati a pasta nto frigurificu e mangiatavvilla bella frisca.
Comu viva prumettutu…a nzalata i pasta è propriu a focu zeru…ma a gustu milli!
Mangiatavvilla a me saluti!
Malariggetta in italietto
Insalata di pasta fredda.
Ingredienti per 4 persone: 280 gr di pasta corta, una scatoletta di tonno, 100gr di provola o scamorza, un cucchiaio di patè di olive, una falda di peperone.
Esecuzione:
Cuocere la pasta al dente e passarla con lo scolapasta sotto l’acqua fredda. Scolarla bene e condirla con un filo d’olio.
Tagliare a dadini la scamorza, affettare sottilmente il peperone e diluire il patè con un cucchiaio d’olio. Condire la pasta con tutti gli ingredienti, incluso il tonno sminuzzato e conservare per almeno un’ora in frigo.
