Eccoci qua cari amici cu nautra malarriggetta chi sperimentaia sabbutu a menziiornu….candu me soggiru (instancabile cultivatori nonchi mio fornitore ufficiale …) mi purtau u solutu cantaru i sciuri biologichi e cugghiuti frischi. e siccomu aviva puru voglia i mari ….mi rissi, pirchì no? Pruamu, virimu chiddhu chi nesci….e nisciu na cosa veramenti bbona ca BBO maiuscula!
Eccu a vui I SPAGHETTI COZZI E SCIURI che oggi dedico alla mia cara amica Francesca i Scilla , emigrata per amore a Genuva…Ah chi non si faci pu cori!
Ingredienti pi 4 cristiani : ‘n chilu i cozzi, 10 sciuri i cucuzza, na pumaroreddha fatta, agghiu, bascilicò, pipi niru, pipi bruscenti, ogghiu, 300 gr i spaghetti.
All’opira:
Pigghiati na bella pareddha randi e mintiti i cozzi senza nenti. Ddhumati e facitili iapriri.
Facitili riffriddari e cacciati i cozzi ra scorcia ma no ittati assolutamenti l’acqua chi ficiru nta pareddha: passatila i nu sculinu fittu e sarbatila chi cozzi.
Ora facimu u zzucu: mintimu l’agghiu a suffriiri nda 3 cucchiari r’ogghiu, ggiungimu a pumaroreddha fatta, i cozzi ca sò acqua e facimu cociri…dopu na para i minuti mintimu u pipi niru, u pipi bruscenti e u bascilicò tagghiatu finu e i sciuri tagghiati a pezzi, non troppu fini.
U sintiti u sciauru? Mbriaca ch’è na bellezza!
Mi raccumandu: nenti sali pirchì l’acqua ri cozzi è già sapurita abbastanza!
U sali sulu nta pasta, pocu.
Faciti cociri i sciuri na recina i minuti e stutati. Sculati i spaghetti e cunditili.
Chi vindi pari? Ssaggiati e poi mi riciti!
Scialativi a bbucca a mè saluti!
La malarrigetta in itaGLiano:
Spaghetti cozze e fiori di zucca
Ingredienti per 4 persone: 1 kg di cozze pulite, 10 fiori di zucca, un pomodorino maturo, aglio, olio, pepe nero, peperoncino e basilico.
Esecuzione
Fate aprire le cozze ben pulite in una padella capiente, con fuoco moderato, e senza aggiungere altro.
Quando saranno tutte ben aperte, chiudete il fuoco e fatele raffreddare, quindi sgusciatele e mettetele da parte insieme all’acqua ben filtrata che hanno formato sul fondo della padella.
Ora preparate il sughetto: fate scaldare 3 cucchiai di olio in una padella, unite l’aglio e fatelo dorare e quindi il pomodorino schiacciato . Fate insaporire e unite le cozze con la loro acqua, il pepe nero , il peperoncino, il basilico e i fiori tagliuzzati.
Una raccomandazione: non aggiungete assolutamente sale al sugo, perchè l’acqua delle cozze è molto saporita quindi non necessita di ulteriore sale!
Fate cuocere ancora 10 minuti e il sughetto è pronto per condire gli spaghetti.
