….mu fazzu ieu! Sissisi…stamatina mi iazaia ru lettu cu spilu i na bella culazioni lait …tipu capuccinu e cornettu ca nutella! Comu? U cornettu ca nutella non è liggeru? Chista non è na culazioni lait? Se a cunfruntati chi pipi chini ra ieri o cu nu paninu chi frittuli E’ NA COLAZIONI LAIT!
Comunqui, vistu chi oji è sabbutu e simu a casa quasi tutti, se vostru maritu o vostra mugghieri su mmeritau, iazativi cu u pinzeru e mi mintitivi all’opira…puru pirchì ‘nci voli sulu 10 minuti mi si fannu sti cornetti o crussanti (comu i chiama ma cuggina re Bbelgiu!)…:D
Ingredient pi 8 cornetti : nu rotulu i pasta sfoglia pronta, zucchuru, nutella a volontà ( ma puru marmellata, crema, sarsa i pumaroru, purè i patati, nduja…inzomma chiddhu chi vi chiama u cori!).
All’opira:
Pigghiati a pasta sfoglia pronta e a iapriti bella bella supra o tavulu. A tagghiati a spicchi, facendu prima na bella cruci ‘nto menzu e poi nautri du tagghi laterali, in modu m’aviti cusì ottu trianguli.
Apoi pigghiati na cucchiarata i nutella e a mintiti nta nta basi i ogni triangulu, cusì…
Quindi rotolatili partendu ra basi nfina a punti e stringitinci i cornicchi nammi ‘nci nesci u ripienu e giratili pi ddintra, cusì…
Faciti tutti i cornetti e mintitili nta na teglia ca carta furnu, poi nci mintiti ‘n cocciu i zucchiru i supra a ognunu e ‘nfurnati a 200° pi na recina i minuti, controllandu nommi si fannu troppu scuri, pirchì u zucchuru si caramella.
Mangiatavvilli caddi caddi ( ma non troppu, chi a nutella bbruscia a lingua!) a saluti ra zia e bbona culazioni a tutti!
Se vuliti spittari mi sa rrifriddunu, mintitinci puru na cirnuta i zzucchuru a velu!
Eccu a mei!
Zia Fujiko