Bonasira a tutti vui. Ma u sintiti stu friddu? All’anima ra primavera chi a nnautri 20 iorna avissi a rrivari! Faci nu friddu chi mmancu a Natali! Aiunu rraggiuni i ntichi : Febbraru, curtu e amaru! Menu mali chi haiu u compiuter portabuli e mu luaia vicinu a stufa, autrimenti nenti malariggetta sta simana! Oggi vi rugnu na bella rigetta facili e veloci, cusì se va rriva nu ospiti senza spittatu ( …e tra fimmini ndi capiscimu !!!) o è tardu pi mintiri a pignata i menziornu, cu sti spaghetti malaviruta non ndi faciti i sicuru! Ohu… ma chiddhu chi passau non era nu pinguinu!?
SPAVETTI CU PISTU I RUCULA
Ingredienti: 30 gr i rucula, nu spicchiu r’agghiu, pinoli cantu vindi piaciunu, ogghiu q.b., parmiggiano, 280gr i spavetti.
Mintiti a rucula, lavata e sciugata, i pinoli e l’agghiu nta nu tritatuttu e poi ggiungiti l’ogghiu a filu, fina mi veni na bella crema.
Cuciti i spavetti belli al dente, sculatili bboni e ittatinci u pistu chi facistu e du belli pugna i parmiggianu. Se vi piaci mintiti puru nu pipiceddhu bruscenti.
Chiù facili i cusì! Bonappitittu ra vostra
zia Fujiko
Cca truati a malariggetta in talianu! http://laricettadellafelicita.blogspot.com/2011/02/una-ricetta-al-volo-spaghetti-al-pesto.html
