…e non ci su zippuli senza a zia Fujiko! Ahahahah…schirzamu tra amici! Però a prima cosa chi dissi è vera assai: pi nuautri calabri non è Natali senza u sciauru ri zippuli! Se spiati a cali calabrisi vuliti, suprattuttu a chiddhi ra nostra provincia i Riggiu, cal’è a cosa chi cchiù i autri nci ricorda a cena ra Viggilia, tutti rrispundunu i zzippuli!
Zippuli nto nostru cori i figghioli, candu non c’erunu i panettoni i tutti i maneri, ma sulu chiddhu chi passuli, candu si spittava a notti i Natali pi mangiari bbonu, candu u turruni chi si canusciva era fattu chi fica sicchi cunzati chi nuci e ca scorcia ri rangi.
Zippuli nto nostru cori i figghioli, candu si spittava mi rriva a nonna chi i sapiva fari megghiu i tutti i zippuli, e staumu ddha ncantati ma virimu mpastari e rimpastari ddha pastella mbiddhusa, e laurari minandu forti chi brazza e chi mani , pi sbattiri bbonu ddha pasta ribelli.
Zippuli nto nostru cori i figghioli, candu ddha nonna ora non c’è cchiù, e nto Natali i sò zippuli nda mmancunu, ma mai cantu a iddha….!
ZZIPPULI I NATALI I ME’ NONNA
Ingredienti: 500gr i farina, 400ml i acqua, nu cucchiarinu i meli, du cucchiarini i sali, 12 gr i levitu i birra, ogghiu abbondanti pi friiri, passuli, sarda , zucchuru.
Faciti sciogghiri nta l’acqua tepida u levitu cù meli e girati bbonu.
Nta na bella suppera mintiti a farina e poi ggiungiti l’acqua nu pocu a vota, mpastandu bbonu e sbattendu a pasta mi pigghia aria.
A mità farina, ggiungiti u sali.
Faciti llevitari a pasta pi du uri, cumbigghiata cu cellofanni e cu na cuperta i lana.
Dopu i du uri ava essiri bella llevitata e china i buscichi r’aria. Faciti caddiari ogghiu abbundanti, e friiti a pasta a cucchiarati, girandula candu veni an galla.
Se vuliti fari i zippuli salati, nci putiti mbischiari a licia sutt’ogghiu a mmostra a mmostra nta pasta prima mi si friji, se i vuliti ruci i putiti frijri semplici e mi passati nto zucchuru ropu cotti oppuru putiti mbischiari nta pastella i passuli, sempri prima mi si frijunu. A gustu vostru!
L’unicu cunsigghiu chi vi rugnu è mi faciti cucchiarati picculi, pirchì nta pareddha si unchiunu assai!
Chista era l’urtima rigetta pi l’antipasti ru nostru Natali…va spettu a prossima cu Primu piattu!
zia Fujiko