…almenu me figghia a piccula ( chiddha chi non mangia nenti, chiddha chi l’è pasciri, chiddha chi s’a sperdi mi mangia, sempri chiddha !) mi rissi chi si chiamunu cusì ! E cusì ropu chi demolimmu u marcatu ri sofficini (u signor Findus in persona mi mandau a chiamari cu’ bucatu!) ora è u turnu ri nagghet i pollu: certi i chiamunu cipsenchiccen ….ma su ddhi buccuneddhi i pollu mpanatu croccanti….chi si mangia puru nde fastfud…si propriu chiddhi! Se na sira non aviti voglia i cucinari cumplicatu cu chisti va cacciati nta 10 minuti e faciti cuntenti i figghioli e puru i randi…
NAGGHET I POLLU
Ingredienti: 500gr i pettu i pollu, nu paccu i patatini i 200gr, sali e carta i furnu.
All’opira:
Tagghiati u pettu i pollu a fettini rossi nu centimutru chiù o menu e poi a pezzi.
Ora pigghiati i patatini, propriu chiddhi chi vi mangiati ravanti a televisioni , i mintiti nta nu sacchettu pi congelari e i pistati sutta e peri (è nu bellissimu antistress!) o puru i scacciati chi mani.
Poi i mintiti nta nu piattu e a unu a unu mpanati i pezziceddhi i pollu (prima pirò mintitinci ncocciu i sali o pollu!)
prima i nu latu e poi i llautru, scaccianduli bboni pirchì a mpanatura sava mbiddhari bbona!
Poi i mintiti nta na teglia ca carta i furnu, senza nenti autru.
Candu su tutti mpanati, i passati pi na recina i minuti nto furnu a 200°-210°.
Sirbitili cu tutti i schifezzi chi buliti: checiap, maiunisi, glassa i citu mbalsamatu….vu permettu, ogni tantu ..SE PO FA!
Boni festi ri santi e ri morti!
zia Fujiko