Pochi paroli e pochi chiacchiri… faci caddhu e chistu u sapimu tutti. Stasira nce a festa ra birra, quindi facimu stu piattu da APERICENA… comu rici na me amica i Riggiu e provincia, cusì ndi mantinimu liggeri… mi ndi putimu mbriacari bboni bboni… (ouh… viriti chi scherzu!…iati chianu chi bippiti e soprattuttu facitivi ccumpagnari a casa i n’amicu stemiu!).
INVOLTINI i mulingiana rrustuta.
Difficoltà: nuddha… na mentu chiù… su tutti facili i me rigetti!
Tempu: chiù mi si mangiunu chi mi si fannu!
Porzioni: fatti vostri…
Ingredienti: Na mulingiana rossa, ogghiu, sali,pipi, bascilicò, citu mbalsamatu, rriniu, 250 gr i furmaggiu friscu ma ruru( primosali, quartirolu, ricotta salata…)… ieu usaia u quartirolu…puru chi è straneru ( u fannu nta Lombardia…) : ieu non sugnu preveNTIVA…. puru a llautri parti fannu cosi bboni!
All’opira:
Lavati a mulingiani, tagghiatila a fetti e rrustitila supra a piastra.
Poi a mintiti nta nu piattu e a cunzati: sali, rriniu, pipi, bascilicò tagghiatu finu, citu mbalsamatu e ogghiu.
Poi pigghiati u furmaggiu e u tagghiati a pezzaceddhi, pigghiati na fetta i mulingiana cunzata u mintiti ndo menzu e ncuddhuriati. Firmati a fetta cu nu stecchinu e l’involtinu è prontu.
I putiti fari puru chi pipi rrustuti.
Veloci e sapuriti.
Bon ddivertimentu
